پی ڈی ایم متحد ہے، حکومت پر ہر طرف سے وار کرے گی، آصف زرداری #racepknews #racedotpk

Share on facebook
Share on google
Share on twitter
Share on linkedin


کراچی: پیپلزپارٹی کے شریک چیئرمین آصف علی زرداری کا کہنا ہے کہ پی ڈی ایم متحد ہے، حکومت پر ہر طرف سے وار کرے گی۔

اے آر وائی نیوز کی رپورٹ کے مطابق سابق صدر آصف زرداری نے پیپلزپارٹی پنجاب کے جنرل سیکریٹری چوہدری منظور سے ٹیلیفونک گفتگو کی، سابق صدر کا کہنا تھا کہ حکومت کو گھر بھیجنا اس وقت بہت ضروری ہوچکا ہے، ملک شدید خطرات میں ہے، حکمران بڑا بلںڈر کرسکتے ہیں۔

آصف زرداری نے کہا کہ اناڑی حکمرانوں کی نااہلی سے ملک بڑے حادثے کا شکار ہوسکتا ہے، حکومت سے نجات کے لیے پی ڈی ایم تمام آپشنز استعمال کرے گی۔

انہوں نے کہا کہ حکمرانوں کو اب مزید کورونا کے پیچھے چھپنے نہیں دیں گے، نہ ویکسین خرید سکے نہ ہی بینظیر انکم سپورٹ پروگرام کے علاوہ کوئی مدد کرسکے، حکمرانوں نے آج ملک کے تمام اشاریے منفی کردئیے۔

مزید پڑھیں: ان ہاؤس تبدیلی، اپوزیشن کے پارلیمانی رہنماؤں کا اجلاس کل طلب

سابق صدر نے کہا کہ میں نے پہلے بتادیا تھا حکمران اپنے وزن سے خود گریں گے، اب یہ گرچکے ہیں بس اب ایک آخری دھکے کی ضرورت ہے، پی ڈی ایم کے ساتھ مل کر پیپلزپارٹی ناکام، نااہل ٹولے کو گھر بھیجے گی۔

واضح رہے کہ اپوزیشن کے پارلیمانی رہنماؤں کا ان ہاؤس تبدیلی کے معاملے پر اہم اجلاس کل طلب کیا گیا ہے جس میں وزیراعظم اور اسپیکر کے خلاف تحریک عدم اعتماد پر مشاورت ہوگی۔

Comments





Source link

Leave a Replay

Sign up for our Newsletter

%d bloggers like this: